Ciencias para ESO e Bacharelato

sábado, 19 de marzo de 2016

NUTRICIÓN

Xa podedes acceder ao Tema de Nutrición que empezaremos a volta de vacacións. Premede na ligazón:http://www.slideshare.net/adaneco/nutricion-28774400

Disfrutade destas datas e voltade coas pilas cargadas

domingo, 6 de marzo de 2016

FLORACIÓN ADIANTADA É CAMBIO CLIMÁTICO

Na seguinte ligazón atoparedes información sobre os desfases na floración no noso país consecuencia deste outono-inverno de tolemia.
Floración adiantada

sábado, 20 de febrero de 2016

UNHA NOVA FOTO DOS NOSOS NÚCLEOS

Finalmente por fin alguén se anima a publicar a foto da súa preparación. Graciñas R. Jesús

A foto está moi ben, na próxima ocasión que vaiamos ao laboratorio verás como sae todavía mellor.
Chicos/as estou esperando máis fotos, non sexades deixados!
Bo finde a todos!

O MANTEMENTO DA VIDA

Os de 2º de ESO xa podedes descargar o novo tema na seguinte ligazón:
Mantemento da Vida

lunes, 15 de febrero de 2016

FALANDO DE SEÍSMOS

Para ter un pouco máis claro porque se producen os terremotos

Por que hai terremotos?

Terremoto

sábado, 13 de febrero de 2016

ESTUDO DOS ECOSISTEMAS

Os de 4º xa podedes baixar o novo tema:
Estudo dos ecosistemas

miércoles, 3 de febrero de 2016

TEMA 9: A DINÁMICA INTERNA

Os de 2º ESO xa tedes colgado o novo tema.

Dinámica interna

viernes, 29 de enero de 2016

Os de 4º veñen de facer as súas primeiras preparacións para observar os núcleos de raiciñas de cebola en crecemento. O tempo quedounos algo curto, pero voltaremos en breve a pescudar nas nosas mostras esas células que están a dividirse.
Así o pasaban eles:

E esto foi o que fumos atopando:

E dende aquí queridos alumnos anímovos a que me fagades chegar as fotos das vosas preparacións.
Unha cousa máis, importante os guións das súas prácticas que fixemos: "obtención de ADN" e "Mitose" estarán colgados na aula virtual do centro para que os poidades consultar.
Un saúdo e bo fin de semana a todos!

sábado, 23 de enero de 2016

CONSTRUÍNDO UN MODELO DO ADN

Os alumnos de 1º Bacharaleto da materia de Cultura Científica do I.E.S. María Casares veñen de traballar nun modelo a escala da molécula do ADN. Todo elo foi posible gracias a colaboración de Gerardo (antigo compañeiro no IES) e a empresa "DNA didactic" que nos facilitaron as pezas para a montaxe e nos explicaron marabillosamente ben como construir o noso modelo a escala e un sinfín de curiosidades sobre a molécula da vida. Moitas Grazas por todo Gerardo!
Aquí tedes unha pequena mostra do que fixemos na clase:

jueves, 21 de enero de 2016

FOTOGRAFÍA DA NATUREZA

A quen vos guste a fotografía da natureza non dubidedes en premer na nova ligazón "Fotografía da natureza (CA.IMA.NA) dentro da sección "Blogs de interese". Ademais de que o blogue é dun bo amigo, é tamén un excelente naturalista. As últimas fotos colgadas dunha lontra en Valdoviño son espectaculares.

Se queredes ver máis ide a sección "Blogs de interese" nas lapelas da dereita abaixo

ORIXE DA VIDA E EVOLUCIÓN

Aquí tedes o novo tema os alumnos de 4º da ESO. Premede na ligazón:
Orixe e evolución

miércoles, 23 de diciembre de 2015

HOMO NEANDERTHALENSIS E HOMO SAPIENS

3 400 000 AC Australopitecus: Historia de Lucy

martes, 22 de diciembre de 2015

O ADN DOS DE 4º

Como vos dixen a algún de vos aquí tedes o resultado da práctica de extracción de ADN. Nun dos grupos conseguimos unha boa cantidade. Podedes estar tranquiliños todos que non vos clonarei, cun de cada teño máis que suficiente.
BO NADAL a todos!

A DINÁMICA EXTERNA

Os de 2º da ESO xa podedes descargar o tema co que comezaremos o novo ano.
Disfrutade das vacacións para vir a volta con forzas. BO NADAL! a todos.
Dinámica Externa

jueves, 17 de diciembre de 2015

GENÉTICA Y SU HISTORIA : DOCUMENTAL COMPLETO

viernes, 27 de noviembre de 2015

HERDANZA E TRANSMISIÓN DE CARACTERES

Os de 4º de ESO xa podedes descargar o tema que estamos a ver en clase.

HERDANZA E TRANSMISIÓN DE CARACTERES

IMPORTANTE!
Xa vos adianto que decidín definitivamente que o venres que ven (día 4 de decembro) o exame sexa só de recuperación dos temas anteriores. Os que non tedes nada que recuperar faredes unha proba con problemas e preguntas deste tema mentres os demais fan o exame. Esa proba puntuará na nota final, en realidade servirá para subir a nota (NON DESCONTARÁ NADA NA VOSA MEDIA). Paréceme un bo premio para aqueles que fúchedes traballando durante todo o trimestre. Así que non vos agobiedes coa materia.
O exame correspondente a este tema se o rematamos antes das vacacións poderémolo facer na semana final deste trimestre (semana do 14 ao 18 de decembro) ou ben na primeira semana á volta das vacacións de Nadal.
Eso si, a data de entrega da ficha de reforzo segue a ser o día 9 de decembro.
Lembrovos a todos que unha nota inferior a un 3,5 non fai media e que polo tanto é preciso facer a recuperación desa nota. Só é obrigatorio facer a recuperación do exame con nota inferior a 3,5, aínda que se a algún de vos non lle chega a media a pesar de ter dúas notas por riba do 3,5 poderá facer recuperación do exame do que teña menos nota para tentar chegar ao aprobado.
Todo esto o comentamos esta semana que ven na clase e aclaro as dúbidas de quen ten que facer ou non unha recuperación.
Un saúdo e bo fin de semana

sábado, 21 de noviembre de 2015

A ENERXÍA QUE NOS CHEGA DO SOL

Os de 2º ESO xa podedes acceder ao novo tema que empezaremos este luns. Como veredes cambiamos totalmente de tema e nos achegamos ao coñecemento da dinámica externa do noso planeta.Un saúdo e bo fin de semana a todos.
A ENERXÍA QUE NOS CHEGA DO SOL

miércoles, 4 de noviembre de 2015

FUMAROLAS VOLCÁNICAS

lunes, 2 de noviembre de 2015

OS ECOSISTEMAS DA TERRA

Os de 2º da ESO xa podedes descargar o tema que estamos a ver na clase. Como veredes os segue exactamente a orde do libro, xa que decidín que era mellor no momento en que falamos dos distintos tipos de ecosistemas falar tamén dos exemplos de ese tipo que temos na nosa terra e non separalos como fan no libro. Como vos dixen tamén hai partes moi resumidas e esto será o que poida preguntar no exame, pois todo o que ven no libro é demasiado.
Ecosistemas da Terra

sábado, 31 de octubre de 2015

A INFORMACIÓN XENÉTICA

Xa dispoñedes do tema que estamos a ver na clase. Premede na seguinte ligazón
A información xenética

domingo, 18 de octubre de 2015

O DESCUBRIMENTO DO ADN

Aquí tedes unha ligazón para enterarvos de como ocorreu un dos grandes avances da investigación biolóxica, o descubrimento do ADN. Sen descoidar ademais o papel que xogou unha muller, pouco recoñecida ate ben pouco, no proceso. A magnífica científica Rosalind Franklin:
Vai por ti Rosalind! (onde queira que estés):
O descubrimento do ADN

sábado, 10 de octubre de 2015

A TERRA: O NOSO PLANETA

Os de 1º Bacharelato xa tedes dispoñible o tema que estamos a ver na clase. Para acceder premede na seguinte ligazón:
A TERRA

CERTAME DE DEBUXO DO GRUPO NATURALISTA HÁBITAT

Aquí tedes toda a información que precisades para participar no certame de debuxo do que falamos en clase. Lembrade que tedes para facer os vosos debuxos ata o 6 de novembro. Segundo as bases do certame: "As obras terán que achegarse nun sobre e debidamente protexidas (no interior dunha carpeta ríxida, ou similar). No interior do sobre terase que incluír outro sobre máis no que se deberá introducir a ficha de inscrición debidamente cuberta e asinada, xunto cunha fotocopia do DNI, pasaporte ou carné de conducir do autor, ou do seu representante legal de ser o caso. Deste xeito, cada participante entregará dous sobres (un dentro do outro) que conterán a obra -ou obras- e a documentación pertinente."
É dicir, que os que sexades menores tedes que pedirlle ao voso titor legal unha fotocopia do DNI, os demais presentaredes unha fotocopia do voso DNI. Ademais fixádevos que precisades dous sobres, un máis pequeno no que introduciredes a ficha de inscrición e a fotocopia do DNI que corresponda e outro maior onde meteredes este pequeno e o cartafol ou similar co debuxo.

A entrega do paquete poderá facerse polas seguintes vías:
 Persoalmente: para o cal cada participante deberá poñerse en contacto
previamente co persoal do G.N. Hábitat no seu teléfono <981 135 014> ou correo electrónico <gnhabitat@yahoo.es>, para coordinar o momento e lugar
da entrega dentro do prazo sinalado.
 Por correo ordinario ou axencias de envío á dirección GRUPO NATURALISTA HÁBITAT
Rúa Camariñas, 8. Baixo. 15002, A Coruña. Estes envíos deberán ser remitidos coa antelación suficiente para que sexan entregados no destino dentro do prazo de entrega indicado. Os custos de envío correrán a cargo dos participantes.
Se algún de vos queredes entregarmo a mín deberedes darme o sobre con todo (debuxo, e sobre pequeno coa ficha de inscrición cuberta e a fotocopia do DNI) antes do 31 de Outubro para ter tempo suficiente para facelos chegar a Hábitat.
Se queredes a información completa:
Certame de debuxo Hábitat

Se queredes acceder ás bases:
Bases Reguladoras
Se queredes a ficha de inscrición:
Ficha de inscrición

sábado, 26 de septiembre de 2015

ESTRUTURA DOS ECOSISTEMAS

Os de 2º ESO xa tedes a vosa disposición o tema que estamos a ver na clase. Premede na seguinte ligazón:
Estrutura dos ecosistemas

Mioto ánimo no comezo do curso!

martes, 22 de septiembre de 2015

TEMA 1: A CÉLULA (4º ESO)

Xa podedes descargar o tema 1 completo adaptado ao que damos na clase. Premede na seguinte ligazón:
A CÉLULA

domingo, 20 de septiembre de 2015

MITOSE E MEIOSE NA NOSA ESPECIE

VÍDEO: A CÉLULA E A MITOSE

domingo, 24 de mayo de 2015

CUESTIÓN ORIENTATIVAS UNIDADE 4

Déixovos colgadas na seguinte ligazón, as cuestións orientativas do tema "Vivir máis, vivir mellor". Debido a falta de tempo, no exame da 3º avaliación definitivamente decidín non incluir o último tema, "Manexando as claves da vida", aínda que tentaremos comentar algúns aspectos do mesmo nas clases que nos quedan.
Premede na ligazón:
Cuestións unidade 4

sábado, 16 de mayo de 2015

DATAS EXAMES CMC E 1º BIO

Se premedes na seguinte ligazón mostravos as datas de exames das materias de Ciencias para o Mundo Contemporáneo e de Bioloxía de 1º :
Datas exames

domingo, 19 de abril de 2015

MANEXANDO AS CLAVES DA VIDA

Podedes descargar na seguinte ligazón o último tema que veremos en CMC. Tentei resumilo todo o posible, se fose preciso (polo tema do tempo de que dispoñemos) falaremos dalgunhas cousas na clase e remarcarei o máis salientable para facilitarvos o estudo. Premede na ligazón:

Manexando as claves da vida

domingo, 12 de abril de 2015

VIVIR MÁIS, VIVIR MELLOR

Xa tedes a vosa disposición o novo tema de CMC, premede na ligazón:
Vivir máis, vivir mellor

lunes, 6 de abril de 2015

HOMO QUE...?

Un equipo de paleontólogos da Universidade Max Planck ven de descubrir unha nova especie de Homo contemporánea de Homo erectus africano (ergaster) e Homo habilis.
Botádelle unha ollada á nova:
Unha nova especie de Homo

jueves, 19 de marzo de 2015

E TI, DE QUEN VES SENDO?

Tamén nesta semana vense de publicar un bo exemplo da utilidade das probas moleculares (os denominados reloxos moleculares) para resolver enigmas evolutivos.
No caso que nos ocupa un enigma que persisitía durante 180 anos, cando o "amigo" Darwin visitou a bordo Beagle o cono sur.
Botádelle unha ollada á ligazón para saber máis:
Resolto o enigma dos ungulados sudamericanos

SEGUIMOS A VOLTAS COA ORIXE DA VIDA

Na clase vimos de explicar as teorías máis importantes e aceptadas sobre a orixe da vida. Na seguinte ligazón tedes unha nova desta semana relacionada co asunto.
A solución a orixe da vida?

Neste caso un equipo de científicos veñen de demostrar a posibilidade de crear precursores dos ácidos nucleicos en condicóns de laboratorio a partires de sulfuro de hidróxeno, cianuro de hidróxeno e luz ultravioleta. De onde sae esta materia e enerxía?
Segundo eles poderíase explicar a existencia do cianuro mediante a reaccións de materiais procedentes de meteoritos e o nitróxeno atmosferico. A mestura coa auga posibilitaría o contacto co sulfuro e como xa sabedes a luz ultravioleta chegaba a superficie terrestre, nestes momento da historia do noso planeta, cunha grande intensidade.

jueves, 15 de enero de 2015

A ORIXE DA VIDA E A SÚA EVOLUCIÓN

Os de CMC xa podedes acceder ao novo tema na seguinte ligazón:
Orixe e evolución

lunes, 5 de enero de 2015

A HERDANZA DO VENTO

Nos seguintes vídeos podedes ver un par de fragmentos da película " A Herdanza do vento" que reflicten as claras a confrontación fixismo-evolucionismo

miércoles, 10 de diciembre de 2014

A CÉLULA- NOTAS DA 1º AVALIACIÓN

Dende a seguinte ligazón xa podedes descargar o novo tema de Bioloxía:
A CÉLULA

En relación as notas de CMC e Bio da 1º Avaliación, alguen me pediu que avisara cando se foran a colgar. Fai un par de días que as enviei o centro, polo que xa deberían estar colgadas no taboleiro do Departamento de Bioloxía.
Como xa vos comentei, non vou estar esta dúas semanas, pero dende hoxe constame que tedes profesor substituto polo que debedes asistir a clase igualmente.

jueves, 13 de noviembre de 2014

A ESA PON PÉ NUN COMETA

A Axencia Espacial Europea (ESA) ven de facer historia na investigación espacial ao dispoñer onte unha sonda (sonda Philae procedente da nave Rosetta) sobre a superficie dun cometa.
Para saber máis sobre a misión premede nas seguintes ligazóns:
Rosetta
Vídeo aterrizaje no cometa
Para coñecer mellor o o cometa 67 P:
Cometa 67 P

domingo, 9 de noviembre de 2014

CUESTIÓNS PREPARATIVAS UNIDADES 0 E 1 CMC

Na seguinte ligazón hai cuestións de repaso dos temas 0 E 1 de CMC para axudarvos a preparar o exame.
Cuestións Ciencia e Universo

lunes, 3 de noviembre de 2014

A DINÁMICA INTERNA DO NOSO PLANETA

Os de Ciencias para o Mundo Contemporáneo podedes xa descargar dende esta ligazón o tema seguinte adicado a dinámica interna da Terra:
Dinámica terrestre

domingo, 12 de octubre de 2014

A TERRA NO UNIVERSO

Dende a seguinte ligazón xa podedes acceder os de CMC ao tema que comezaremos esta semana, o Universo. Premede abaixo para ver o tema:
A TERRA NO UNIVERSO

viernes, 19 de septiembre de 2014

QUE É CIENCIA?

Xa podedes descargar o tema introdutorio na seguinte ligazón:
QUE É CIENCIA?

jueves, 18 de septiembre de 2014

O HOME DE PILTDOWN: UN FRAUDE CIENTÍFICO

Aquí tedes o vídeo-documental sobre o que falamos na clase:
O Home de Piltdown

lunes, 25 de agosto de 2014

O PROBLEMA DAS ESPECIES INVASORAS: A AVESPA ASIÁTICA

A avespa asiática (na península temos a subespecie vespa velutina nigrithorax) constitúe xa un problema serio na nosa terra e en boa parte do norte peninsular.
A Orixe:
Estas avespas procedentes de Asia (da China ata a India) parece que desembarcaron, e nunca mellor dito, en Europa a través dun barco con produtos de alfarería chinés que atracou en Burdeos (Francia) no ano 2005.
A súa presenza no noso país detectouse por primeira vez no 2010 en Guipúzcoa, na actualidade exténdese por todo o norte peninsular, hai citas por todo o cantábrico e no norte de Portugal dende o 2012.
En Galicia supón xa unha problemática importante na costa da mariña lucense e comezan a aparecer rexistros noutras zonas da costa da provincia da Coruña (Cedeira, Oleiros...). O seu avance prodúcese fundamentalente a través das rexións costeiras ou próximas a elas.
Por que supoñen un perigo?
O problema das especies invasoras como é este caso reflíctese en moitos casos nunha ruptura do equilibrio ecolóxico respecto ao novo medio colonizado. O ecosistema non dispón de mecanismos de control da nova especie. Se a especie invasora, como é o caso da avespa asiática, adáptase ben ao novo hábitat (o clima do oeste europeo é similar ás localizacións orixinarias da vespa velutina) soe afectar a algúns compoñentes do ecosistema invadido, sobre todo bióticos (outras especies).
A avespa asiática adulta aliméntase fundamentalmente de froita, pero preda distintas especies de insectos para alimentar as súas larvas (outras vespas, formigas, bolboretas...), e é unha verdadeira especialista en depredar abellas (entre o 30 e o 80% da dieta larval). Como é sinxelo deducir, o ataque específico sobre as abellas ten consecuencias nefastas para o sector apícola, sobre todo tendo en conta que as nosas abellas melíferas non desenvolveron todavía mecanismos de defensa (típico efecto das especies invasoras).
Sabemos que unhas poucas avespas (arredor de cinco) son suficientes para acabar cunha colmea enteira. A estratexia de ataque consiste en esperar en voó estático á entrada da colmea a chegada das abellas, incluso introdúcense dentro para atrapar as súas presas.. Cando atrapan as abellas secciónanlles a cabeza e o aguillón e lévanas ao avesporeiro para alimentar as súas larvas.
Respecto a súa picadura, non supoñen un risco moi diferente á dun avespón (vespa crabo). A principal problemática dase en persoas alérxicas ou a un ataque masivo (moitas picaduras). Os ataques masivos prodúcense coa cercanía ao avesporeiro, pero como éste soe atoparse nas partes altas das árbores a perigosidade vese moi diminuida.
Por que non supoñen un problema para as abellas asiáticas?
Como xa comentamos o problema da aparición nunha zona dunha especie invasora é a falta de factores ecolóxicos de control e a inexistencia de mecanismos coevolutivos entre as especies. Precisamente esto último é un dos puntos claves para comprender a relación de equilibrio entres estas avespas e as abellas da súa rexión de orixe. As abellas destas zonas desenvolveron un mecanismo de defensa baseado no traballo en equipo.Cando estas abellas sofren un ataque por parte destas avespas rápidamente introdúcense na colmea, alí agrúpanse e rodean ao invasor, ao mesmo tempo todas comezan a batir as súas ás a un tempo provocando un ascenso da temperatura da colmea. Parece que este mecanismo é moi eficaz (provoca a morte do depredador) porque as abellas resisten mellor este ascenso térmico (soportan ata 50ºC).
Ciclo Biolóxico
Durante o inverno as raíñas hibernan en grietas de rochas, de cortiza das árbores... a finais do inverno e principios da primaveira (ascende a temperatura) cada raíña funda un novo niño. Estas avespas fundadoras fabrican nun principio un niño pequeno, pero a medida que saen obreiras vaise ampliando ata alcanzar unha formación máis ou menos esférica duns 45 cm de altura. Un niño grande pode chegar a ter 10000 crías e unhas 1500 obreiras. Este avesporeiro diferénciase fácilmente do feito polo avespón (vespa crabo), porque ten un orificio de entrada lateral, mentras que no avespón a entrada atópase na base.

Avesporeiro de v.velutina

Fotografía extraída de: http://controldeplagassanidadambiental.blogspot.com.es/2013/04/avispa-asiatica-o-vespa-velutina.html

A finais do verán comezan a aparecer os machos e as primeiras femias fecundadas, éstas serán as novas raíñas que fundaran novas colonias o ano seguinte tras a diapausa. A raiña orixinal morrerá.
Como a diferenciamos doutras especies?
Debido ao seu tamaño (obreiras 3 cm) pódese confundir co avespón europeo ou común (vespa crabo) e coa scolia (Megascolia maculata) ambalas dúas de maior tamano que a velutina (arredor dos 4 cm ou máis). Ademais a scolia non fai avesporeiros e o avespón fainos, como xa dixemos cunha apertura na parte baixa.
O avespón é ademais máis colorido (vermellos e amarelos a franxas) e a scolia posúen dúas bandas amarelas, mentras que na velutina predominan as cores escuras (so o 4º segmento do abdome de cor amarelo).

Vespa crabo

Vespa crabo by Lilly M is licensed under a Creative Commons Reconocimiento-CompartirIgual 4.0 Internacional License.

Megascolia maculata

Megascolia maculata by Tranquillegroupil is licensed under a Creative Commons Reconocimiento-CompartirIgual 4.0 Internacional License.

Para ver a diferenza coas outras dúas especies aquí vos deixo unhas fotos de exemplares recollidos por Daniel Montero en Cedeira (A Coruña) neste mes:

Vespa velutina nigrithorax

Vespa velutina nigrithorax by Ricardo Ferreiro is licensed under a Creative Commons Reconocimiento-CompartirIgual 4.0 Internacional License.
Que podemos facer?
A primeira opción é localizar o niño, que normalmente é complicado debido a que, como xa comentamos, soe estar nas copas das árbores ou en construccións a certa altitude. En todo caso, se o conseguimos non se recomenda baixo ningunha circunstancia afrontar por nós mesmos a retirada do avesporeiro, xa que pode conducir a un ataque masivo das súas inquilinas. Ademais unha mala manipulación do niño de xeito que poidan escapar as obreiras posibilita que cada unha delas poida ser unha nova raíña fundadora (control hormonal) que expanda o problema. Por iso é recomendable retirar o avesporeiro, a ser posible nas súas primeiras fases cando non posúen tantos individuos.Convén avisar a emerxencias, en Galiza parecen ser os bombeiros os principais encargados desta tarefa.
A outra opción para controlar a poboación é o trampeo durante todo o ano, especialmente a finais do verán cando comezan a saír as novas raíñas. Dende a asociación de apicultores de Galicia ofrécennnos información sobre os sistemas de trampeo. Unha sinxela botella de auga, cortada en dúas partes, coa superior colocada en forma de embudo é suficiente. Temos que dispoñer sobre o embudo algún dispositivo a xeito de tellado, para evitar que a chuvia rechee o interior. Dentro da botella o máis recomendado é empregar viño ou cervexa (sobre todo negra), debemos evitar dispoñer líquidos azucarados que poderían atraer outros visitantes non desexados como as nosas queridas abellas.
Non recomendo o uso de insecticidas por razóns obvias, danan os nosos insectos autóctonos e do que se trata é de manter o equilibrio ecolóxico do noso ecosistema.
Creo que este exemplo tan actual reflicte as claras os efectos nocivos da invasión de especies alóctonas, dos que somos responsables (como no caso que nos ocupa) case sempre en maior ou menor medida.
Así que lembrade, non se poden liberar sen máis animais ou plantas exóticas ao medio natural, esto implica por exemplo non soltar no río esa carpiña chinesa que creceu demasiado e xa non entra no noso acuario. En Galicia por desgraza, coñecemos xa problemas claros e anteriores aos das avespas asiáticas, tanto na flora (a uña de gato carpobrotus edulis distribuida por amplas rexións da costa galega) como na fauna (cangrexo americano Procambarus clarkii que podedes atopar fácilmente por exemplo no encoro de Cecebre na provincia da Coruña).
Como ben decía o amigo Stan Lee en Spiderman: "un gran poder conleva, unha grande responsabilidade".
Para que vexades que a problemática está a orde do día, botádolle unha ollada as novas, pero sempre tede unha actitude crítica, dende o punto de vista científico a información que vos chega:
http://www.abc.es/local-galicia/20140819/abci-avispas-asiaticas-201408191416.html
http://www.elmundo.es/ciencia/2014/08/21/53f5db63268e3e064f8b4577.html
http://www.farodevigo.es/comarcas/2014/08/17/aparicion-nuevo-nido-avispas-asiaticas/1076917.html

Ligazóns que vos poden interesar:
http://es.wikipedia.org/wiki/Vespa_velutina
http://www.navarra.es/NR/rdonlyres/B0C6AD7C-D751-4843-9B4E-3CF786B98049/0/espacies_exoticas_invasoras.pdf
http://www.apiculturagalega.org/
http://blog.creaf.cat/es/conocimiento/la-amenaza-de-la-avispa-asiatica-llega-a-cataluna/ este inclúe un video do comportamento fronte a colmea.
http://blog.creaf.cat/es/conocimiento/como-afrontar-la-amenaza-de-la-avispa-asiatica/

miércoles, 13 de agosto de 2014

TRABALLOS E CONCLUSIÓNS DO PROXECTO RÍOS

Xa tedes no blog do Valiñadares (tedes unha ligazón a éste a vosa esquerda na sección blogs de interese) os vosos traballos e as conclusións finais. Fixádevos ben nas conclusións. A maioría delas foron as que comentamos na clase, pero quero que prestedes atención a como debería facerse (como se redacta, como establecemos as posibles expicacións aos resultados que obtivemos, como organizar as ideas...).
Foi unha pena non dispor de máis tempo para este tema na clase, pero espero que fose unha activiadade amena que nos permitíu aprender dun xeito diferente.
Non vos amolo máis, seguide desfrutando das vosas vacacións!

jueves, 5 de junio de 2014

DINÁMICA TERRESTRE 2º DE ESO

Xa podedes acceder o último tema de 2º de ESO:

DINÁMICA TERRESTRE